Purana Laptop Kahan Bechein? Mumbai Mein Daam, Data Aur Free Pickup Ki Poori Jaankari
National Recycling Co. · Updated 18 October 2026 · 6 min
Ghar mein ek purana laptop pada hai jo ab chalta nahi, ya bahut slow hai? Use kachre mein daalne ya kisi bhi kabadiwale ko dene se pehle yeh padh lijiye: kitna paisa milega, kahan bechein, aur sabse zaroori, aapka data kaise safe rahe.
Purana laptop kitne ka bikta hai?
| Laptop ki halat | Andaazan daam (Mumbai) |
|---|---|
| Band hai, par poora hai (screen, battery, hard disk sab hai) | ₹400–₹500 |
| Band hai aur parts missing hain | ₹200–₹350 |
| Chalta hai, 2012 se pehle ka (Core 2 Duo, Pentium, Windows 7) | ₹500–₹1,200 |
| Chalta hai, 2012–2016 ka (Core i3/i5/i7, 3rd–6th gen) | ₹1,200–₹3,500 |
| 2017 ke baad ka | Model dekh kar quote |
Yeh general rates hain. Final daam pickup ke time laptop check karke confirm hota hai, aur verify hone ke baad payment hota hai. Poori list: old laptop scrap price.
Purana laptop bechne ki 5 jagah
1. Online buyback app
Naye laptop (1–5 saal purane, chalu) ke liye sabse achha option. Lekin bahut purane ya band laptop ka aksar quote hi nahi aata.
2. Exchange offer
Agar naya laptop le rahe hain to brand ya online store ka exchange offer dekhiye. Discount fixed hota hai aur sirf nayi khareed ke saath milta hai.
3. Lamington Road ya local computer market
Chalu laptop ka thoda achha daam mil sakta hai, par wahan jaana, mol-bhaav karna aur data ki zimmedari aapki hai.
4. OLX jaise sites
Chalu laptop ke liye theek hai, par anjaan logon se milna padta hai aur band laptop koi nahi leta.
5. E-waste recycler (jaise National Recycling)
Purane, slow ya band laptop ke liye sabse aasaan: ghar se free pickup (ek laptop ke liye bhi), hard disk wipe ya destroy, aur chahein to scrap daam, warna daan karke Green Certificate.
Bechne se pehle data kaise delete karein?
Sirf files delete karne ya Recycle Bin khaali karne se data nahi jaata. Koi bhi free software se wapas nikaal sakta hai.
- Windows 10/11: Settings > Recovery > Reset this PC > Remove everything > Change settings mein Clean data ON kijiye.
- Windows 7: isme seedha option nahi hai. Backup lijiye aur humein hard disk destroy karne ko kahiye.
- Mac: Apple ID se sign out kijiye aur Find My band kijiye, phir Erase All Content and Settings.
- Laptop band hai? Hum hard disk nikaal kar destroy karte hain, ya pickup ke time aapko de dete hain.
Step-by-step guide (English): laptop wipe kaise karein.
Band laptop ka kya karein?
Kachre mein bilkul mat daaliye. Do wajah:
- Aag ka khatra: lithium battery dab jaaye to aag pakad sakti hai. Agar laptop ka niche ka hissa phool gaya hai to charging turant band kijiye. Swollen battery guide
- Aapka data: band laptop ki hard disk doosre computer mein lagakar padhi ja sakti hai.
Bechein ya daan karein?
8–10 saal purane laptop ka scrap daam kuch sau rupaye hi hota hai. Bahut log use daan karna pasand karte hain: pickup wahi free, data wahi safe, aur badle mein Green Certificate aapke naam par. Chalu laptop refurbish hokar dobara kaam aata hai, band laptop licensed recycling partner ke through recycle hota hai.
Society mein sab ka purana saamaan ikattha karna hai? Society e-waste drive karwaiye, value society fund mein jaati hai.
Purana laptop dena hai?
WhatsApp par photo bhejiye. Same day daam aur pickup ka din batayenge. Mumbai, Thane aur Navi Mumbai.